General Santos City—Gikumpirma ni BGEN. Cirilito Subihana, commanding officer sa 6th Infantry Division nga sa unang pagpamomba sa isulan, aduna na silay tulo mga pangalan nga gihuptan.
Sumala niya nga sa duha ka mga pagbusikad, nagtinabangay ang Bangsamoro Islamic Freedom Fighters kon BIFF ug ang Dawla Islamiya Torayfe Group kon DITG gumikan sa tactical alliance nga ginahimo sa duha ka grupo.
Samtang sa ikaduhang pagbusikad, ilaha pa karong ginasuta kung si kinsa gyud nga mga personalidad nga miyembro sa maong grupo ang responsable.
Dugang pamahayag ni BGEN. Subihana nga sa karon wala pa gyud may napasang-at nga kaso batok sa mga nahisgutan gumikan padayon pa man ang ginahimong case build up.
Nagapangita pa usab sila ug mas daghang ebidensya batok sa mga suspek ug ang kapulisan man maoy musapang-at ug kaso.
Apan gibutyag niini nga ang tulo nga suspek sa pagpamomba ang subject sa ilahang manhunt nga nagpabilin pa sa ilahang area of responsibility.
Kalabot niini, gibutyag ni BGEN. Subihana nga adunay kolaborasyon ngadto sa kapulisan ang mbestigasyon nga ilahang ginahimo.
Gani aduna nay gimugna nga task force ang militar uban ang kapulisan sa nahitabong pagpamomba sa Isulan aron sa mas dali nga pag-sulbad sa kaso.
Pamahayag niini nga ilahang ginarespeto kung nagdumili una ang kapulisan sa paghatag ug detalye sa maong insidente.
