General Santos City–Patay ang duha ka mga myembro matud pa sa rebelding grupong New People’s Army kon NPA human ang nahitabong panag engkwentro kagahapon sa buntag sa kabukirang bahin sa Sitio Balataan Barangay Pag-Asa Alabel Sarangani Province.
Subay sa report nga nahagpat sa RMN Gensan nga nakadawat matud pa og report ang kapulisan og tropa sa military gikan sa mga residente nga nagpadayon gihapon ang pagpangikil sa rebeldeng grupo sa maong mga Barangay rason nga nagpahigayon sila og pagpatrolya.
Didto matud pa naka engkwentro sa mga tropa sa 73rd infantry Battalion ang mukapin sa 15 ka mga armadong grupo ilawom sa guerilla Front 71 sa CPP NPA.
Milungtad sa kapin oras ang binakbakay tali sa mga tropa sa kasundaluhan nga miresolta matud pa sa kamatayon sa duha ka wala una gihinganlang mga rebeldeng NPA. Matud pa kang Lt. Col Marion Angcao ang Commanding Officer sa 73rd IB nga padayon pa nila karong ginaberipika ang pag-ila sa duha ka mga NPA nga napatay.
Nakuha sa encounter site ang 5 ka mga tag-as nga matang sa armas nga panag-iya sa mga rebeldeng NPA. Sa pagkakaron nagpadayon ang clearing operation sa military sa kabukirang bahin sa Alabel, Malapatan og Davao del Sur. (Emir Bariquit)
