NEGROS OCCIDENTAL – Hugot nga ginakondenar sang New People’s Army ang militarisasyon nga ginapatigayon sang 62nd Infantry Battalion sang Philippine Army sa binukid sang Guihulngan kag Moises Padilla nga nagsugod sadtong May 24, 2018 tubtub May 30, 2018.
Ini ang press statement nga ginpagwa sang Leonardo Panaligan Command, New People’s Army LPA NPA pinaagi sa spokesperson sini nga si Ka JB Regalado.
Suno sa LPC, ila man ginakondenar ang pagtener sang amo nga unit sang military sa panimalay sang mga pumuluyo sa Guihulngan.
Pahayag pa sang LPC-NPA nga padayon man nila nga imbestigaran ang pumuluyo sa Brgy. Macagahay, Moises Padilla angut sa nabaton nila nga report nga may natabo nga sexual abuse sa isa ka pamilya sa amo nga lugar.
Akusasyon sang NPA nga ini nga krimen ang ginhimo sa panahon nga nagapatigayon sang operasyon ang militar.
Wala pa nakahatag sang komento ang militar sa akusasyon sang mga rebelde. /Contributed photo
