General Santos City—Padayon gihapon hangtod karon ang paglusad og air strike ingon man ang mga ground assault operations sa militar batok sa mga myembro sa Bangsamoro Islamic Freedom Fighters o BIFF sa duha ka mga lugar sa Maguindanao kagahapon sa sayung kabuntagon.
Sa pamahayag ni Army’s 6th Infantry Division public information officer Captain Arvin Encinas nga puntirya sa ilahang operasyon batok sa tulo ka mga BIFF commander og ngadto sa mga supporter sa teroristang Islamic State of Iraq and Syria o ISIS.
Dugang pa sa tigpamaba sa 6th ID nga ilaha ng giila ang mga BIFF leader nga silang Herodin, Khadza og Lucman nga parihong mga tagasuporta ni kumander Bongos, usa ka self-proclaimed figurehead sa usa sa tulo ka mga BIFF factions.
Kahibaluan nga ang tulo ka mga grupo ang maoy gitudlong responsabli sa pagpangataki sa mga military detachment sa nagkalain laing lugar sa Maguindanao.
Una ng gikumperma ni Encinas, nga pasado alas-tres sa sayong kabuntagon sa dihang gisugdan sa Army’s 40th og 57th Infantry Battalions ang opensiba sa Barangay Meta, Datu Unsay og sa Brgy. Timbangan, Shariff Aguak, Maguindanao gamit sa mga sundalo ang bomber plane sa Philippine Air Force og 105 howitzer.
Tungod sa maong insidente pipila na ka mga residente ang miaksiyon og kabalaka sa posibling mapagan sa nagkainit nga kagubot. (Emir Bariquit)
