![pinol.jpg](https://i0.wp.com/rmn.ph/wp-content/uploads/2020/07/pinol.jpg?resize=696%2C340&ssl=1)
Pagadian City – Nibisita probinsya sa Zamboanga del Sur ang secretary sa Mindanao Development Authority (Minda) nga si Manny Piñol dala ang mga maayong balita alang sa kalambuan sa isla Mindanao.
Personal nga gi abi-abi sa amahan sa lalawigan Hon. Victor Yu ug ingon man ni Congw. Divina Grace Yu kauban ang mga nagkadaiyang labaw matag ahensya ang maong nasangpit nga secretary.
Sa iyang pakigpulong, nasayran nga ang MinDA adunay daghang proyektong pangkalambuan alang sa mga taga Mindanao ilabi na sa mga Zambosurian.
Gibutyag usab sa nasangpit nga secretary ang pundo nga gigahin alang sa tibuok Mindanao nga gamiton sa Provincial Government Proposed Project nga may kalabutan sa BALIK PROBINSYA PROGRAM ni Sen. Bong Go.
Gibutyag usab niya ang kasamtangang mga proyekto sa MinDA nga anaa sa Talakag Bukidnon, Kauswagan Lanao del Norte, Kalawit Zamboanga del Norte ug lain pang ubang mga lalawigan nga nahatagan sa maong sustainable project alang sa recipients sa Balik Probinsya program.
Gipaklaro ni Piñol nga ang maong proyekto mao ang ilang tumong/destinasyon. Ang pagdala pag-uli sa mga katawhan ngadto sa ilang mga nagkadaiyang lalawigan usa pa lamang sa pagsugod aron nga mahatagan sila ug panginabuhian, mabayaran ang ilang gitrabahuan ug mahatagan ug pinuy-anan (alang sa mga walay kapuy-an).
Gidasig usab ni Piñol ang mga opisyal sa probinsya nga tan-awon ang importanteng proyekto nga pwede nilang facilitate.
Gidayeg usab sa nasangpit nga secretary ang kasamtangang gihimong seaweed farming sa lalawigan alang sa mga seaweed farmers ug ingon man ang mga high value product.
(Photo courtesy: Victory Zamboanga del Sur)