11:10 PM 16JULY2019
Gipahibalo sa City Disaster Risk Reduction and Management Department o CDRRMD nga basi sa SEVERE WEATHER BULLETIN sa PAGASA ala 11:00 kagabii, ang sentro sa gibantayang Bagyong (Tropical Storm) “FALCON” adunay gilay-ong 195 km Sidlakan Habagatang-sidlakan (East Southeast) nga bahin sa Tuguegarao City, Cagayan; kakusgong 65 kph ug paglihok nga 25 kph Kasadpan (West) alas 10:00 kagabii. Ang Bagyo DAKO ang posibilidad nga mo-landfall sa Babuyan-Batanes area karong Miyerkules (July 17) sa hapon o gabii.
Ang tibouk Mindanao dili direktang apektado sa Bagyong Falcon apan makasinati sa madag-umon nga kalangitan inubanan sa katag katag nga pag ulan tungod sa Habagat (Southwest Monsoon).
Forecast Position
– 24 Hour(Tomorrow evening): 75 km South Southeast of Basco, Batanes
– 48 Hour(Thursday evening):325 km North of Basco, Batanes
– 72 Hour(Friday evening): 740 km North of Basco, Batanes (OUTSIDE PAR)
– 96 Hour(Saturday evening):1,210 km North of Basco, Batanes (OUTSIDE PAR)
Ang ubang parti sa Misamis Oriental (Balingasag) naka-sinati sa kasarangan (moderate) ngadto sa kusog (heavy) nga pag ulan tungod sa thunderstorms sulod sa 1-2 ka oras. Samtang susamang sitwasyon usab ang posibling masinati sa Camiguin tungod sa thunderstorms sulod sa 1-2 ka oras, basi sa pahimangno sa PAGASA ganihang 10:35 sa gabii
Ang Cagayan de Oro posibling maka-sinati sa pag ulan.
Nagpabiling mapanganuron ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Nagpabiling mapanganuron usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
