Usa ang Mindanao nga posibleng atakihon sa Communist New Peoples Army Terrorists kon CNTs atol sa paghandum sa ika-50 nga anibersaryo sa Communist Party of the Philippines karong adlawa.
Kini ang gibutyag sa Armed Forces of the Philippines kon AFP.
Nasayran nga gimonitor karon sa 4th ID Philippine Army sa pagpangulo ni Major General Ronald Villanueva ang North Central Mindanao ug Northeast Mindanao particular ang mga probinsiya sa Bukidnon, Surigao del Sur, Agusan del Sur ug Agusan del Norte.
Samtang gibantayan ni Major General Rhonderick Parayno sa 2ND Infantry Division ang Laguna, Rizal, Quezon ug Mindoro.
Sa bahin sa Central Luzon, gibantayan sa 7th Infantry Division pinaagi ni Lieutenant Colonel Osias, ang Abra ug Nueva Ecija.
Mahinumduman nga gimando karon ni CPP Founding Chairman Jose Maria Sison nga maghimo og tactical offensives sa gobyerno human kini midumili sa pagdeklara og unilateral ceasefire karong holiday season.
