Davao City – Ilusad karong bulana ang duha ka mini job fairs sa managlaing lugar sa syudad sa Davao.
Sa pakighinabi sa DXDC RMN Davao kang Shirley Sahid sa PESO-Davao, adunay ipahigayon nga mini job fair sa gym sa Brgy. Lasang karong December 14, 2018, adlawng Biyernes samtang laing job fair usab ang ilusad karong December 18, 2018, adlawng Martes sa Megkawayan, Calinan ning syudad diin daghang local employers niini ang gikatakdang mupartisipar.
Dugang ni Sahid nga alang sa mga buot musuta sa mga bakanteng trabaho, mamahimong muadto lang sa PESO Main office sa Almendras Gym compound, Quimpo Boulevard ning dakbayan o bin ba kaha mubisita sa walo ka mga PESO district offices.
Apan nagpahinumdom ang PESO-Davao nga sirado ang ilang opisina karong December 24-25 ug December 31-January 1.
RadyoMaN Renz Barbarona
