Davao City – Gilaumang wala nay mag sweldo og ubos sa P10,000/month nga mga empleyado sa City Government of Davao sugod sunod tuig.
Sa pakighinabi sa Davao media kang Davao City Mayor Inday Sara Duterte-Carpio, gibutyag niini nga nagpasa na siya og budget proposal sa Sangguniang Panlungsod diin kalakip sa budget sa 2019 nga himuong P10,000 ang minimum nga sweldo sa mga adunay kontrata, job order ug contract of services sa city government, gawas na lamang sa mga volunteers sama sa Bantay Dagat, Bantay Bukid ug uban pa.
Gi-rason sa alkalde nga ang bulk sa mga job orders ug mga contract of services ang anaa sa City Transport and Traffic Management Office (CTTMO), sa City Environment and Natural Resources Office (CENRO), Public Safety and Security Command Center (PSSCC) ug 911, diin 24hrs/day ug anaa sa dalan ang trabaho sa nahisgutan.
Mao kini ang hinungdan kun nganong nag-recompute sila sa budget ug nadesisyunan nga himuong P10,000 ang kasamtangang P7,300/month nga commission rate sa mga empleyado.
RadyoMaN Kirby Manzon
