General Santos –natigbasan ang usa ka 14 anyos nga minor de edad human misaka sa usa ka Lantsa nga nakadaong sa baybayon sa Prk. Putting Bato, Barangay Calumpang, Gensan.
Biktima nailhang si Eljon Bofel, 14, residenti sa Lower Makar, Barangay Labangal, ning dakbayan.
Subay sa report sa misaka matud pa ang biktima sa lantsa ala 1:00 ang takna sa kabuntagon, July 13, 2017 nakamata ang bantay sa maong lantsa ug gitigbas ang nahisgutang biktima.
Nakaangkon ug samad ang biktima sa iyang bagtak nga bahin kansa gilayon nga nakapangayog tabang human sa insidenti.
Sa karon nagpabilin pa ang biktima sa Dr. Jorge Royeca Hospital gumikan sa iyang samad nga naangkon, samtang ginasuta pa sa kapulisan sakop sa Police Station 2 nganong nakaabot ang biktima sa lugar luyo paman nga kaadlawon na niadtong higayuna.
