General Santos City—Kulatado ang usa ka 16 anyos nga lalaki human kining gikulata sa wala mailhing suspetsado alas 11:00 ang takna sa gabie sa may Purok San Roque, Barangay Labangal, Gensan.
Ang biktima itago lang sa pangalang Alias Eugene, 16, residenti sa samang lugar.
Sa record sa Dr. Jorge Royeca Hospital nasuta nga nag-inum ang biktima sa balay sa iyang amiga, nasuguan kini nga mopalit ug sigarilyo sa tindahan duol sa balay sa iyang amiga.
Sa tindahan, aduna matud pay nakastandby nga mga lalaki diin kalit matud pang gikulata ang biktima. Nakaangkon kini ug samad sa iyang agtang apil na sa uban pang parti sa iyang kalawasan.
Paspas sab nga misibat ang mga suspek sa wala sayring lugar, samtang ang biktima, gidala dayon sa ospital sa iyang amahan. Sa karon nagpadayon pa ang imbistigasyon sa kapulisan kalabutan sa maong insidenti.
