Davao City – Gipailawom na karon sa kamot sa Department of Social Welfare and Development Office (DSWD) ang minor nga taga Daliao, Toril Davao City nga gi-aresto human nga nagpakatag og fake news sa social media kalabot sa tsunami warning dinhi sa Davao City human sa kusog nga linog, Huwebes sa gabii, October 16, 2019.
Sa interbyu sa DXDC RMN Davao kang Jed Clamor, hepe sa Toril PNP, gisaysay niini nga sa Facebook gipakatag ang maong sayop nga balita nga miresulta sa pagkapanic sa mga tao diin segun sa minor nga nadungog ra usab sumala pa niya ang balita ug iyang gi-post dayon sa social media.
“According sa iyaha pud dala ra pud sa iyang kahadlok kay kadtong buntaga pagmata daw nila naay mga nadungog ra pud nila nga istorya. Mao ‘tong gi-post niya sa social media aron mawarningan niya iyang mga friends, classmates ug mga kaparyentehan,” saysay ni Clamor.
Nagpahimangno usab si Clamor sa publiko nga kinahanglang mag-amping sa paggamit og social media. Inay nga fake news ang mapakatag, mas maayong i-share ang mga impormasyon gikan sa mga social media sites sa mga government agencies.
“Kita nga mga abtik sa social media, think before you click. Dili ta magpakatag og istorya nga nadungog lang nato sa silingan. Mahilig ta’g social media, nganong dilin nato i-share ang nga page sa mga government agencies nga nagahatag og sakto nga information,” tataw ni Clamor.
Gibutyag usab ni Rodrigo Bustillo, head sa City Disaster Risk Reduction and Management Council (CDRRMC) nga usa ka serious offense ang pagpakatag og fake news ug posibleng mapasakahan og kasong alarm and scandal ang makabuhat niini.
RadyoMaN Kirby Manzon
