𝗣𝗘𝗧 𝗢𝗪𝗡𝗘𝗥𝗦 𝗣𝗜𝗡𝗔𝗔𝗟𝗔𝗟𝗔𝗛𝗔𝗡 𝗞𝗔𝗨𝗚𝗡𝗔𝗬 𝗦𝗔 𝗘𝗣𝗘𝗞𝗧𝗢 𝗡𝗚 𝗠𝗔𝗜𝗡𝗜𝗧 𝗡𝗔 𝗣𝗔𝗡𝗔𝗛𝗢𝗡 𝗦𝗔 𝗠𝗚𝗔 𝗛𝗔𝗬𝗢𝗣

Cauayan City – Pinaalalahanan ngayon ang mga pet owners at nag-aalaga ng mga hayop kaugnay sa posibleng maging epekto ng mainit na panahon sa kanilang mga alaga.

Ayon kay Dr. Noli Buen ng Provincial Veterenarian ng LGU Cagayan, maaaring makakuha ng mga sakit katulad ng heat stroke ang mga alagang hayop.

Upang maiwasan ito, pinapayuhan ang mga nag-aalaga na bigyan ng sapat na tubig, bitamina at masisilungan ang kanilang mga alaga.

Bukod pa rito, posible ring maapektuhan ng mainit na panahon na nararanasan ang recovery period ng mga hayop na nanganak ganun na rin ang paglaki ng mga ipinanganak na baboy, baka, kambing, maging ang tupa.