General Santos City–Hingpit nang nakasuhan pinaagi sa regular filing ang mag suspek nga mipusil sa Barangay kagawad sa Barangay Conel, Balot Island, Davao Occidental nga si Joe Saliang, 55 anyos, residenti samaong Barangay kansa una nang gipusil didto sa may Purok Calipagan, Big Margus, Glan, Sarangani province human.
Sumala ni Police Staff Sergeant Mocsin Macatimbol, Imbistigador sa Glan PNP nga bag-uhay lang ila na gyud nga napasang-at ang kaso batok sa mga gitudlong suspek sa krimen mao silang si Jakemar Bani , Ado bani, naher Samson ug Modares Samson, pulos residenti sa barangay Big Margus, Glan.
Higayon sumala pa nga mugawas na ang warrant of arrest batok sa mga suspek ang kapulisan sa Glan ang magpahigayon dayon ug operasyon batok sa mga nasampit .
Nasayran nga personal grudge ang nag-unang motibo sa pagpatay sa biktima nbga misangko gyud sa iyang kamatayon.
Kahinumduman nga una nang gipusil sa mga suspek ang biktima samtang pauli na kini sa balay sa ilang paryenti gikan mitambong sa ika 40 ka adlaw sa pagkamatay sa usa sa ilang kabanay.
Ang biktima nadala pa sa Dr. Jorge Royeca Hospital dinhi sa Gensan apan pipila ka adlaw ang nakalabay-nakabsan kini sa iyang kinabuhi.
