General Santos City–Gikumpirma ni Police Major Johnrick Medel ang Deputy Station Commander sa Polomolok Municipal Police Station nga Solve na ang kaso sa pagpusil patay sa biktimang si Marvin Palanog niadtong milabay nga semana ug gikatakda nilang pasakaan ug kasong murder ang suspek karong adlawa.
Saysay pa ni Medel nga nailhan na nila ang suspek nga mipatay sa biktima kini basi usab sa mga witnesses apan dili pa nila ibutyag ang pangalan niini gumikan kay wala pa nila nasikop ang suspek.
Pagpaklaro usab sa opisyal nga dunay nakaaway ang suspek nga gawardiya sa maong establisimento ug naalaan lamang ang biktima gumikan kay nagtuo ang suspek nga ang natulog sa duyan usa ka gwardiya hinungdan nga iyang kining gipusil nga miresulta sa kamatayon sa nasampit.
Samtang dako usab ang kalipay sa pamilya sa biktima gumikan kay ilaha nang maangkon ang hustisya sa kamatayon sa usa nila ka miyembro sa pamilya.
Kahinumduman nga una nang gipusil sa suspek ang biktima sulod sa bunkhouse nga iyang gitrabahoan samtang hinanok kini sa pagkatulog pasado alas 11 sa gabie. (Reynald Timario)
