Davao City – Gipahinumdom ni Davao City Mayor Sara Duterte-Carpio ang istrikto’ng pagpatuman sa health and safety protocols sa mga simbahan partikular na sa simbahang Katoliko sa ilang himuo’ng Misa de Gallo karong Disyembre.
Matud sa Alkalde nga misaad na ang simbahan nga hugot nga ipatuman ang mga ordinasa sa syudad labot sa preventive measures batok Coronavirus Disease 2019 (COVID-19) sama sa pagbaton og limitasyon sa mga indibidwal sulod sa simbahan.
“Duna nay commitment ang Catholic church nga ilaha gyung i-implement og sakto ang naa sa atong mga Executive Order (sa Misa de Gallo). Pinaka una ana is ang mask, distancing and ang 30% occupany sa venue capacity bisan sa ubang places of worship under GCQ (General Community Quarantine),” matud sa Alkalde.
Segun sa Mayor nga mamahimo gihapon nga maka apil sa Misa de Gallo ang mga bulnerable’ng sektor bisan anaa sa sulod sa balay, pinaagi sa social media, radyo, television (TV), diin sila wala gitugota’ng mugawas tungod sa taas nga risgo nga mataptan sa COVID-19.
RadyoMaN Kirby Manzon
