Davao City – Naharang sa Bunawan Police Station ug Task Force Davao Joint Checkpoint sa may Lasang ang mag-best friend nga gituhoang nagkarga og illegal nga droga sa ilang gisakyang kotse.
Misugat sa mga mata sa mga otoridad ang pila ka sachet sa gitohoang shabu og inugang marijuana dihang gisusi ang gisakyang sakyanan sa suod nga maghigala nga sila Lloyd Puntanar, 37 anyos, ulitawo, nagpuyo sa Matina Aplaya, ug si Michael Balofinos, 37 anyos, ug nagpuyo sa Taverna Street ning siyudad bandang alas 2:00 sa hapon.
Sumala ni Police Major Noel Villahermosa nga kadudahan ang lihok sa mga suspek dihang miagi sila sa checkpoint sa light vehicle inspection area maong gisita sila ni Police Corporal Emar Gultiano resulta sa pagkakumpiska sa punto noybi gramos sa shabu nga mukantidad og kapin 600 pesos ug inugang marijuana nga mutimbang og 1.80 gramos nga dunay market value nga kapin dos sentos ka pesos.
Ang duha gilayon gikulong na sa Bunawan Police Station ug nasang-atan na pod sila og kasong may pagsupak sa section 5 ug 11 sa Republic ACT 9165 kon Comprehensive Dangerous Drugs Act of 2002.
RadyoMaN Joel Viray
