Nagpa-abot sa iyang pahalipay si Misamis Oriental Governor Bambi Emano sa pagdaug ni fighting Senator Manny Pacquiao batok ni Keith “One Time” Thurman kagahapon.
Matud sa gobernador nga nahimong inspirasyon sa tanan gikan sa iyang pagka boksidor, ginikanan, relihiyoso ug nahimong magbabalaod sa nasud si Filipino boxing icon Manny Pacquaio.
Hangtud karon, nagpabiling mapa-ubsanon ang Senador busa nahimong idolo sa tanan.
Tungod niini, naglaom si Governor Emano nga unta mahimong modelo sa mga lider, empleyado sa gobyerno hangtud sa mga ordinaryong katawhan ang mga gipakita ni Senador Pacquaio.
Busa angay lamang matud pa nga magpabilin ang diwa sa panaghiusa, panagdait ug panaghigalaay sa tanan, kabus man o adunahan paingon sa mas ligdong ug lig-on nga Cagayan de Oro, Misamis Oriental ug Pilipinas.
