Phoenix gasoline station sa Villanueva, Misamis Oriental, gitulis; gwardiya gipusil, patay samtang cashier, samaran

105

Gitulis mga alas 3:30 kagahapon sa kadlawon ang Phoenix Gasoline Station nga nahimutang sa Zone 4, Barangay Katipunan, Villanueva, Misamis Oriental.

Matud ni Police Cpl. Eva Mae Labitad sa Villanueva Municipal Police Station, nga Sabado sa gabie nag-inom kining suspek nga si Reymark Pamatong usa ka guwardiya sa Lux Interna Security Agency uban kining iyang higala nga si Bernie Belen.


Human sa ilang panag-inom didto nag-uban kining duha paingon sa Pheonix gasoline station sakay sa ilang tagsa tagsa ka mga motor og nag-patubil pa kini sa usa ka gasoline boy nga si Gabriel Roche 23yrs nga taga Sta. Ana, Tagoloan Misamis Oriental.

Human kini nga nagpatubil mibunot kini si Pamatong sa iyang armas nga 9mm pistol dayon pusil sa nawong sa guard on duty rason sa iyang kamatayon kinsa natulog matud pa atong higayona nga nailang si Dominico Serbandel 22 anyos, ulitawo nga taga Binitinan, Balingasag, Misamis Oriental.

Dali usab nga midagan og mitago kining maong gas man nga si Roche atong higayona rason nga kining suspek miduol sa cashier sa maong gasoline station dayon pusil sa kaherang buros nga nailang si Axel Rose Demino, 25 anyos nga taga Zone 2 Barangay Katipunan, Villanueva, Misamis Oriental rason nga nakaangkon kining biktima og pinusilan sa iyang nawong ug daling gidala sa NMMC nga anaa kini talandugon nga kahimtang.

Atol sa pagpusil sa maong kahera gikuha sa maong suspek ang kita o halin sa maong gasoline station nga mukabat sa 25-mil pesos ug daling miikyas human sa maong pagpanulis sakay sa ilang tagsa tagsa ka mga motorsiklo diin kining iyang higala nga si Belen mao ang look-out atong higayona.

Mi-ikyas kining duha ka suspek paingon sa Barangay Bugo, ning syudad sa Cagayan de Oro dayon misulay pa kining suspek nga si Pamatong og tulis diha na sa 7/11 sa maong dapit may nalang gani kay nailog matud pa sa guwardiya ang armas sa suspek nga si Pamatong, rason nga daling misibat kining suspek angkas sa motorsiklo sa iyang look-out nga si Belen deritso na balik sa Villanueva, Misamis Oriental ug ang motorsiklo sa maong suspek nabilin kini sa 7/11 Bugo.

Sa follow-up operation sa mga personahi sa Villanueva Municipal Police Station kon MPS, ilang nasikop kini si Pamatong nga matud pa mitahan sa iyang kaugalingon didto na sa ilang labaw nga guwardiya ug kining si Belen nga iyang look-out sa paghimo niya sa krimen didto kini nasikop sa pinuy-anan niini.

Gibutyag usab ni Police Cpl. Labitad sa Villanueva MPS nga nakuha sa mga personahi sa SOCO sa crime scene ang tulo ka mga fired cartridge ug upat ka mga unfired cartridge sa 9mm nga armas nga maoy gigamit sa maong responsabli.

Samtang sa pagkakaron ang maong mga suspek detinado na sa Villanueva MPS ug pasakaan kini sila og kasong Robbery with Homicide ug Frustrated Homicide.

Facebook Comments

From Advertisers