Nanghinaot si Misamis Oriental Gov. Bambi Emano nga maandam na ang Laguindingan International Airport ug seaports sama sa Mindanao International Container Terminal sa lungsod sa Tagoloan.
Kini aron magamit panahon nga sugdan na ang rehabilitasyon sa Marawi City.
Usa matud pa kini sa tabang nga mahatag sa kagamhanang probinsyal aron manumbalik ang maayong hulagway sa siyudad sa Marawi ug mahatagan sa paglaom ang mga residente.
Naglaom usab ang gobernador nga daghan pang motabang sa rehabilitasyon sa Marawi gikan sa gobyerno, non-government organizations ug foreign aids.
Tungod niini, kinahanglan matud pang andam ug available ang mga seaports lakip na airports aron mahatod ang mga hinabang gikan sa local ug international aids.
By: Lovelyrose Sambaan
