Gitambagan ni Philippine Drug Enforcement Agency o PDEA 10 Director Wilkins Villanueva si Misamis Oriental Provincial Jail o MOPJ Warden Dominador Tagarda nga moresign sa pwesto.
Kini human naaresto sa PDEA 10 ang iyang duha ka anak nga lalaki human gi raid ang mga balay niini kagahapon sa buntag.
Mahinumduman nga nakuha gikan sa balay nila Gregor Tagarda ug Bonclinton Tagarda ang mga shabu nga gibana-banang nagkatidad og 170-thousand pesos.
Gikadismaya usab sa PDEA Director ang sitwasyon nga walay nahimo ang Jail Warden isip amahan bisan nasayod kini sa gihimo sa iyang mga anak.
Gipasabot ni Director Villanueva nga angay lamang nga moresign sa pwesto si Tagarda tungod kay wala kini moral ascendency aron dumalahon ang MOPJ tungod sa nahitabo.
