Kwalipikado ang Misamis Oriental alang sa Seal of Good Local Governance sa Department of Interior and Local Government sa gihimong National level evaluation karong tuiga.
Matud ni Provincial Planning and Development Coordinator Mr. Stanley Uriarte, nag-inusara lang ang Misamis Oriental sa tanang probinsya dinhi sa region 10 nga mi-qualify sa SGLG ug posibleng maoy makaangkon sa maong award.
Mobisita usab dinhi sa lalawigan ang evaluation team gikan sa kaulohan aron makompleto na ang ilang ebalwasyon ug pag-proseso sa mga papeles.
Lauman nga sa umaabot bulan sa Oktubre na mogawas ang final evaluation sa DILG central office ug kung maangkon sa Misamis Oriental ang SGLG award, kini na ang ikatulong higayon nga mamahimong SGLG awardee ang lalawigan.
