Nag-una sa listahan sa Bureau of Investments kon BOI ang Misamis Oriental, kompara sa laing upat ka probinsiya sa amihanang Mindanao.
Kini sama sa Camiguin, Lanao del Norte, Bukidnon ug Misamis Occidental.
Matud sa BOI nga misaka ngadto sa P24.814 billion pesos nga balor sa negosyo ang misulod sa lalawigan niadtong tuig 2018, kompara sa P14.363 billion pesos sa tuig 2016.
Samtang ang P24.814 billion pesos maoy 53 percent sa P907 billion pesos nga balor sa negosyo nga misulod sa tibuok Northern Mindanao.
Matud sa Bureau of Investments kon BOI, nga ang hinungdan sa expansion sa San Miguel Beer distillery, pagkatukod sa Purefoods Hormel meat processing plant, ug Metro Pacific bulk water project.
Padayon usab ang pagtukod sa FDC Misamis coal fired power plant, ug ang SM’s CDO Downtown Premier Mall.
