Gikasubo sa katawhan sa lalawigan sa Misamis Oriental ang sayong pagkamatay ni Ian Lariba ang inilang international Table Tennis player.
Si Lariba nag-edad og 23 ug namatay tungod sa sakit nga Leukemia.
Bisan si Gobernador Bambi Emano, isip usa usab ka sports enthusiast, nasubo sa pagkamatay ni Lariba.
Nagpaabot usab kini ug pahasubo sa pamilya nga gibiyaan sa dalaga.
Matud ni Gobernador Bambi, mas layo pa unta ang maabtan ni Lariba, daghan pang matabangan ug daghan pang ma-inspire ang unang Filipina table tennis Olympian.
Gidugang ni Gobernador Emano nga si Lariba dili malimtan sa iyang nahatag nga kontribusyon sa sports nga maoy representative sa 2016 Summer Olympics sa Rio de Janiero.
Kini human gihurot ug pildi ang tanang maayong laki sa table tennis dinhi sa Mindanao, taud-taud usab naghari si Lariba sa University Athletic Association of the Philippines (UAAP) sulod sa pila ka tuig nga wala sukad mapildi.
Dili mawala kang Gobernador Bambi nga maguol ug masakit kon dunay isa sa mga atleta nga mamatay, ilabina kay hugot kining nagasuporta sa mga local athletes nga magdala og dungog sa Misamis Oriental ug Cagayan de Oro ngadto sa international arena.
