Gikudeta sa Majority member sa Sanguniang Panlalawigan sa Misamis Oriental sa ilang regular session kagahapon sa buntag si Vice governor Joey Pelaez.
Gigamit nila Misamis Oriental Board member President Prexy Elipe ug Wayne Militante ang ilang gidaghanon ug ilang gihukasan sa mga Committee Chairmanship ang Besi gobernador sa Misamis Oriental.
Gikuha nila Elipe ug mga kauban gikan ni Pelaez ang Committee on Education ug Committee on Peace and Order.
Ang pagka chairman sa committee on Education sa Sanguniang Panlalawigan gihatag ngadto ni Board Member Gerardo Boboy  Sabal samtang ang Committee on Peace and Order gihatag ngadto ni Militante.
Ang wala magustohi ni Pealez kay gikuha gikan kaniya ang maong mga committee nga wala siya gipahibalo daan sa majority member sa Sanguniang Panlalawigan.
Sa iyang sermon kagahapon, gi-question ni Pelaez sila Elipe ug mga kauban ngano nga wala siya pahibaloa daan nga  hukasan diay siya sa pagka Chairman sa Committee on Education ug peace and Order.
Si Pelaez gihatagan sa pagka Chairman sa Committee on Climate change, Mitigation and Disaster risk Reduction, Committee on Housing, Rural and Urban Development ug committee on Fisheries and Aquatic resources apan iyang gibasura ug wala dawata ang maong mga komitiba.
Kay matud sa Besi gobernador nga iya na lamang ihatag ang maong mga komite sa iyang mga kaubang Board member sa Sanguniang Panlalawigan nga mahilig magpa aron ingnon ug mosikat sa ilang politika.
Si Pealez, nahimong kontra sa politika sa Partido Padayon Pilipino sa Misamis Oriental human nag-file sa iyang certificate of Candidacy ug milansad sa pagka congressman sa unang distrito sa lalawigan ubos sa Partido Unity Party ni kanhi Vice Governor Julio Uy.
