Gipahinumduman sa National Historical Commission of the Philippines kon NHCP si Misamis Oriental Governor Yevgeny Vincente Emano nga ang pagkanta sa National Anthem nga “Lupang Hinirang” kinahanglan kantahon kini kanunay gamit ang national Filipino Language sulod o sa gawas sa nasud sa Pilipinas.
Kini nga pagpahinumdum pinaagi sa usa ka pahinang sulat nga gipirmahan ni Dr. Rene Escalante ang chairman sa NHCP.
Ang maong sulat ni Escalante nga iyang gipadala ni Gov. Emano, penitsahan niadtong March 5, 2019.
Matud ni Dr. Escalante nga ang pagkanta sa national Anthem gamit kanunay ang Filipino national Language gimando kini sa section 36 sa Republic Act 8491.
“As the government agency in charge on implementing R.A. 8491, we wish to remind you that the national Anthem should be sung in Filipino in your provincial government office as well as in other offices and schools within your jurisdiction” matud pa ni Dr. Escalante.
Gibutyag ni Dr. Escalante nga ang R.A. 8491, usa kini ka special law nga maoy naghatag protection sa national symbols sa nasud sa Pilipinas.
“These Symbols, such as Lupang hinirang and the Philippine flag were products of our forefathers struggle for freedom” matud ni Dr. Escalante.
Ang pagpahinumdum ni Dr. Escalante ngadto ni Governor Emano tungod sa sulat ni Councilor Zaldy Ocon nga penitsahan niadtong February 12 nga iyang gipadala sa National Historical Commission.
Gipangunata ni Ocon ang national commission kon wala bay pagsupak sa balaod ang Misamis Oriental Provincial officials nga kanunay nagkanta sa National anthem atol sa ilang flag Raising Ceremony sa kapitolyo nga naggamit sa visayan dialect sa pagkanta sa “Lupang Hinirang”.
Matud ni Ocon nga ang mga official ug mga empleyado sa kapitolyo, kanunay nag-gamit sa polong bisaya sa ilang pagkanta sa Lupang Hinirang sa ilang matag Lunes nga Flag raising Ceremony ug sa mga bisan unsang programa sa Misamis Oriental Provincial government.
