Nagpakita og dakong pagtahud ug saludo si Misamis Oriental Gov. Bambi Emano sa mga kaliwat nga mipaagas og dugo aron lamang maluwas sa pagkagapos ug makaangkon og kagawasan.
Kini atol sa paghandum sa ika- 121 ka kasumaran sa Independence Day kagahapong adlawa.
Matud ni Gov. Emano, nga kung walay kagawasan, walay pangalan, walay kaugalingong panlantaw ang katawhan, walay kaugalingong dungog, ug walay kaugalingong nasud.
Tungod niini, nanghinaut si Gov. Emano nga ang natagamtaman nga kagawasan mahimong inspirasyon sa tanan sa pagbatok sa pagkagapos sa nasud sa kapobrehon ug kulang sa oportunidad aron nga ang atong kaigsoonang kabus ug timawa, maluwas gikan sa kagutom ug kalisod.
Facebook Comments
