Gipresentar na sa prensa ug publiko kagahapon sa hapon ang 12 ka mga kandidata sa Miss Cagayan de Oro 2019 sa Centrio Mall ning syudad.
Ang 12 ka mga kandidata, naglangkob nilang Ana Dimarucut nga taga Brgy. Macasandig, Tasha Yalong nga taga Brgy. Carmen, Pauline Pielago,nga taga Brgy. Carmen, Vincy Vacalares nga taga Brgy. Camaman-an, Reese Oguis, nga taga Brgy. Macabalan, Cindy Obeñita nga taga Brgy. Carmen, Nicole Ramos nga taga Brgy. Balulang, Claudine Damasco nga taga Brgy. Kauswagan, Steffanie Fabre nga taga Brgy. Baikingon, Kimberly Magdugo nga taga Brgy. Puntod, Souarthizae Violon nga taga Brgy. Kauswagan ug Angelica Cudal nga taga Brgy. 40.
Sa maong higayon, nakahatag og mga pangutana ang mga sakop sa prensa sa Cagayan de Oro ngadto sa mga kandidata aron makapili sa Darling of the Press ug Miss Personality.
Ang mananaog sa maong mga awards, ipahibalo atol sa coronation night sa Miss Cagayan de Oro sa Agusto ning tuiga.
Matud ni Ms. Mags Cue ang Organizing Committee Chair sa Miss CDO nga karong tuiga, dili lang kaanyag ang magpatigbabaw sa mga kandidata kay mga malamboon na usab kini sa ilang mga karera.
Nasayran nga dunay kandidata nga aspiring lawyer, dentista, host ug employee sa Misamis Oriental.
Dugang pa niini nga karong tuiga, I feature sa Miss CDO ang kabahin sa dakbayan ingon man ang world class beauty.
