Gipasidunggan sa Misamis Oriental Provincial Government sa pagpanguna ni Governor Bambi Emano si Miss Earth Philippines-Water 2018 nga si Miss Berjayneth Chee.
Kini atol sa gihimong programa kaganihang buntag sa Provincial Capitol Grounds alang sa Grand Homecoming ni Chee nga taga Balingasag, Misamis Oriental.
Si Chee, gitunolan sa provincial government sa Plaque of Recognition ug bouquet tungod sa dakong garbo nga gihatag niini sa lalawigan.
Sa maong okasyon, gipaabot usab ni Chee ang iyang mga pasalamat alang sa tanang misuporta kaniya ilabina sa katawhan sa Misamis Oriental.
Human sa programa, gisunod gilayon ang motorkada alang kang Chee agi sa Velez Street- Rotunda-Carmen-Marcos Bridge-Limketkai Area dayon balik sa Provincial Capitol.
PC: RadyoMaN Annaliza Amontos-Reyes
