BACOLOD CITY – Padayon ang pagpangita kag pagpahibalo sa publiko sang pamilya ni Ernesto ‘Jun-Jun’ de Pallo Jr. sang Redskin Tailoring (Mabini-Luzurriaga), 54 anyos matapos nga ini ang wala gihapon nakapauli humalin sang nagligad nga Pebrero 15, 2018.
Sa record sang Philippine National Police Station 6, nagpablotter ang iya utod nga Raymond de Pallo sa amu man nga adlaw bangod indi na ini makontak kag wala na makit-an.
Lisensya nya sa iya mga tinawo sa iya pwesto sa Mabini-Luzurriaga, Barangay 30 sang mga las 8 sang aga sang Pebrero 15 nga magapadulong ini sa iya kliyente sa Sagay kag Toboso.
Apang nagab-ihan lang kag naagahan wala gid ini sya nakapauli.
Sa interview sang dyHb sa iya pa gid utod nga si Vermon, iya ginsiling nga wala ini naga-overnight bangod kalabanan sa iya mga lakat bisan magab-ihan ini, nagapauli gid sa Bacolod.
Sa may ihibalo magkontak lang sa ila opisina sa mobile number (0915) 394 0986.
