Gilubong na mga alas dies karong buntag ang patayng lawas sa mister nga nagpakamatay human niya gipusil patay ang iyang asawa niadtong Dominggo sa buntag sa Catarman, Camiguin.
Matud ni Catarman Mayor Nestor Jacot nga ilang gilubong ang patayng lawas ni Celmar Linao sa sementeryo sa Barangay Bonbon sa maong lungsod.
Nitambong sa paglubong ang upat ka mga igsoon niini ug iyaan nga gikan pa sa Davao City.
Gidugang sa mayor nga niabot ang maong mga paryente mga ala 1:30 kagahapon sa hapon ug naghangyo nga karong adlawa lamang ilubong si Linao.
Facebook Comments
