ZAMBOANGA CITY—Mas ya de 24 de muerto el un carpenter cuando ya descubri conel disuyu cuerpo na cantoy rio na Sitio Texas, Licomo delBIernes aga.
El pulis ya nombra con el muerto como si Enrique Custodio y Falcasantos, 58, casao, siembrador/carpenter del mencionao lugar.
Con el cuerpo ya encuntra banda alas 8 del aga ya dayun ya reporta na pulicia para conduci el imbestigacion.
Asegun con el esposa del victima, su esposo nohay bolbe casa desde el pecha 19 donde pensando el mujer que basi ya pasa este queda na casa del diila anac y yah ace cuantos trabajo de carpenteria lang.
Pero del Biernas aga ya informa ya lang conele el diila anac que muerto ya su esposo.
Nohay tambien el pulis habla si cosa el causa del muerte di Custodio mientras ta estima sila muerto ya este por serca 60 hora ya el ya pasa cuando ya descubri consu cuerpo.
