Magapadayon ang misting kag fogging operations nga ginapatigayon sa mga may clustering kag hotspot areas sa probinsya sang South Cotabato tubtob nga indi magnubo ang kaso sang balatian nga dengue sa probinsya kag wala na sang clustering. Ini ang nangin pamahayag ni Provincial Health Officer Dr. Rogelio Aturdido Jr.
Ginkumpirmar man ni Dr. Aturdido sa banwa sang Tupi kag Polomolok ang ginhimo nila suno pa kon ngaa nagnubo ang kaso sang balatian nga dengue ang tungod sa “operation kulob” sa breeding place sang lamok.
Samtang tungod sa nagasaka ang kaso sang balatian nga dengue every three years ginpasiguro ni Dr. Aturdido nga magapadayon ang ila nga kampanya kontra dengue bisan sa masunod nga tuig ginalauman nga magnubo naman ang kaso.
Ginpahayag man ni Dr. Aturdido nga may-yara naman sang gin-istablisar nga Health Emergency Response Team sa kada barangay dire sa probinsya.
