Patay ang usa ka kanhi preso human misukol sa kapulisan sa buy bust operation mga ala 1:20 karong kadlawon sa Bayanihan Street, Barangay 35 ning syudad.
Matud ni Cogon Police Station Acting Commander Dennis Guindara nga ang suspek mao si Brandon Yap, 40 anyos, ulitawo, taga Barangay 35.
Walo ka samad pinusilan ang naangkon ni Yap nga maoy hinungdan sa iyang kamatayon.
Nakuha gikan sa suspek ang kalibre .38 nga armas, smoke grenade, unom ka sachet sa shabu ug 500 pesos nga buy bust money.
Gidugang ni Guindara nga bag-o lang nakagawas sa prisohan si Yap tungod gihapon sa illegal nga druga.
Ang operasyon gihimo sa kapulisan sa Cogon uban ang mga personahe gikan sa Crime Against Person and Property Desk ug Regional Drug Enforcement Unit.
Facebook Comments
