General Santos City—ospital ang gidangatan sa usa ka 47 anyos nga lalaki human nga nahit-and run ug usa ka SUV nga sakyanan sa may Kanto Uhaw, Barangay Fatima, Gensan.
Giila ang biktima nga si Randy Khanmarillo, 47, residenti sa Barangay Labangal, Gensan.
Nasayran nga alas 10:30 ang takna sa gabie, gikan ang biktima sa iyang trabaho sa may Barangay Lumuyon, Kiamba, Sarangani Province sakay sa iyang tricycle apan pag abot sa may kanto uhaw, didto na kini nabanggaan sa SUV nga gimanihuan sa wala mailhing driver.
Human sa insidenti misibat ang driver sa wala sayring lugar, samtang ang biktima gidala dayon sa ospital human nakaangkon ug mga samad ug bun-og sa lawas. Sa karon ginasuta pa sa Traffic Management Unit kung kinsay driver sa sakyanan nga nakabangga sa biktima.
