General Santos City–Pormal nang napasakaan ug kasong pagsupak sa RA 10883 kon Anti-Carnaping Act sa Police Station 3 ang usa ka Apsinot Acula Toto, 19 anyos, Residente sa Barangay Poblacion, Malapatan, Sarangani Province human ma-aktohan kini sa ig-agaw ug amahan sa nanag-iya ug traysikad nga si Jestoni Guazon nga ginatulak na palayo sa suspek ang traysikad sa biktima nga gi-park sa usa ka vulcanizing shop nga nahimutang sa J. Catolico, Barangay Lagao.
Sumala pa ni Police Major Ruilito Lumiguid, Hepe sa Police Station 3 nga nakurat nalang matud pa ang biktima nga wala na ang iyahang traysikad ug sa dihang gisuta sa iyahang mga paryente didto na-abtan ang suspect sa may Arradaza Street, Barangay Lagao.
Maayo nalang nga gikuhaan sa biktima ug CDI ang iyang motor ayha natulog hinungdan nga wala kini mi-andar mao nga wala dayon kini nadala sa layong lugar sa suspetsado. (CDS)
