General Santos City—Laing Myembro na usab sa Drug Group ang nasikop sa hiniusang pwersa sa Philippine Drug Enforcement Agency (PDEA) Regional Office-12 ug sa Kidapawan CPS, CPPO – PIB, SBT-B RID 12 , atol sa gihimong search operation nga gipahigayon sa Purok Pinya, Sinsuat Extension, Brgy Poblacion, Kidapawan City niadtong nakalabayng adlaw.
Giila ang suspek nga si Afghan Bualan Alias Apag Bualan, 35, minyo,negusyante ug residenti sa samang lugar.
Nakuha sa iyang posisyon ang mukabat sa 35 ka gramo sa gituohang shabu nga gibana-banaang nagkantidad ug P238,000.00 ug nagkandaiyang drug paraphernalia’s.
Kasong kalapasan sa Sec. 11 (Possession of Dangerous Drugs) ug Section 12 (Possession of Drug Paraphernalia) sa Article II sa Republic Act 9165 ( Comprehensive Dangerous Drugs Act of 2002) ang gikatakdang ipasang-at batok sa suspetsado nga balhog karon sa silda sa PDEA Regional Office 12 nga nahimutang dinhi sa Gensan.
