General Santos City–Dugay nang ginamonitor sa Maitum PNP ang presensya sa gikaingong miyembro sa NPA ilawom sa platoon myphone guerilla front 73, Far South Mindanao Region nga si Junjun Makilbing, 25 anyos kansa adunay kasong murder.
Sumala ni Police Sr. Inspector Rodel Javison, hepe sa Maitum PNP nga dihang sila nakadawat ug impormasyon nga anaa sa Sitio Anggo, Barangay Batian sa maong lungsod ang suspek gilayon silang nakig-alayon sa Regional Intelligence Unit aron mapahigayunan ug operasyon.
Malampuson usab nga nasikop ang nasangpit sa lugar human nga nacorner sa kapulisan pinasikad sa warrant of arrest sa kasong murder nga gipagula sa RTC-12 Branch 19 sa Isulan Sultan Kudarat.
Gibutyag ni PSI Rodel Javison nga si makilbing usa sa mga posibling responsabli sa pagpangsunog sa mga himan ug bus ilawom sa ilang AOR ug kasigbit nga lugar.
Sa karon ang nasampit nga suspek pabilin pa sa silda sa Maitum Municipal Police Station.
Samtang ang kapulisan sa maitum nagpahigayon nag hugtanong pagbantay sa seguridad sa posibling pagpanimalos sa mga kaubanan sa nasikop nga miyambro sa NPA.
