Nangayo nag tabang sa Commission on Human Rights kon CHR ang mga officials sa Misamis Oriental Farmers Association kon MOFA.
Kini aron imbistigahan ang kalapasan sa tawhanong katungod nga gihimo sa mga elemento sa Criminal Investigation and Detection Group kon CIDG, National Intelligence Coordinating Agency ug Armed Forces of the Philippines.
Kini human gidakop sa mga otoridad ang upat ka mga opisyal ug empleyado sa MOFA mga alas 6 sa gabie niadtong Miyerkules sa ilang opisina sa MOFA sa Barangay Looc, Villanueva, Misamis Oriental.
Lakip sa gidakop sa CIDG silang Jerry Basahon ang Chairman sa MOFA, Gerald Basahon nga Council Member sa Kilusang Magbubukid ng Pilipinas kon KMP, Marivic Culeta ug Mylene Culeta nga polos empleyado sa MOFA.
Ang upat ka mga suspects, gidakop sa CIDG ug pinasikad sa search warrant nga gi-issue sa usa ka local court ning syudad.
Nakuha sa ilang possession ang usa ka Granada, Land Mine ug 45 caliber pistol.
Ang maong mga suspects gi-detain sa CIDG Regional Headquarters sa Barangay Patag ug giakusahan sa militar ug police nga high ranking officials sa NPA.
Apan matud ni Michael Pineda, tigpamaba sa KMP Northern Mindanao Region nga dili tinood nga sakop sa NPA ang upat ka mga suspects apan pulos sila empleyado sa MOFA.
Matud ni Pineda nga planted ang mga armas ug explosive nga gihimong ebedensiya sa mga otoridad.
Kini ang rason nga ang MOFA official ug pamilya sa mga suspects nangayog tabang sa CHR aron suta-on ang Human rights violation nga gihimo sa mga otoridad batok sa mga suspect.
