BACOLOD CITY – Naglab-ot na sa 43 ka mga banwa kag syudad sa Western Visayas nga ginkonsidera nga election areas of concern base sa data nga ginpa gwa sang PNP Regional Office-6.
Ginpahayag ni Lt. Col. Joem Malong, ang PRO-6 spokesperson nga may 4 diri ang ginakinsedira nga sa idalom sang Category Red, ini ang banwa sang Moises Padilla sa Negros Occidental lakip man banwa sang Lemery, Calinog kag Maasin sa probinsya sang Iloilo.
Ang banwa sang Moises Padilla ang bag-o gindugang sa category red, matapos ang insedinte sang pagpatay kay Sangguniang Bayan Member Jolomar Hilario sang katapo sang rebelding New People’s Army.
Madeklara ang isa ka lugar nga category red ukon pinaka mataas nga kategoriya sa election hotspot kun may yara sang history sang violent incidents, intense political rivalry, presensya sang armado nga grupo ukon terorista kag may pagpamahog.
Samtang, category orange ukon areas of immediate concern naman ang mga masunod nga lugar; Culasi, Hamtic, Sebaste, Sibalom, Valderama kag San Remigio in Antique; Tapaz, Maayon kag Cuartero sa Capiz; San Joaquin, Miag-ao, Tubungan, Igbaras, Alimodian, Janiuay, Lambunao, Leon kag Bingawan sa Iloilo, kag Toboso, Himamaylan, Isabela, Hinobaan, Kabankalan City sa Negros Occidental.
Ang New Lucena, Sara, San Dionisio and Estancia sa Iloilo, kag Calatrava, Don Salvador Benedicto, Escalante, EB Magalona, Silay City, Cauayan, Binalbagan, Hinigaran, La Castellana, Candoni, Ilog, Sipalay City sa Negros Occidental ang yara naman sa category yellow ukon areas of concern.
Damlag lang, suno sa Commission on Elections Regional Office nga ang Mambusao sa Capiz, Victorias City sa Negros Occidental kag Bingawan sa Iloilo ang paga kakason sa poll watchlist.
Apang suno sa PNP ang pagkakas sa banwa sang Mambusao kag Bingawan maga contradict sang ila nga risk kag threat assessment sa amo nga lugar.
