Sama sa CDO Butuan makabaton na sa GeneExpert machine alang sa COVID testing
Ang dakbayan sa Cagaayan de Oro taliwala sa nagkataas nila nga kaso ug aduna nay local transmission, wala kini miabot sa punto nga mag lockdown.
Sa radio program ni Cagayan de Oro gipahayag Mayor Oca Moreno, nga kada adlaw niya gitun-an ug gipahibalo sa katawhan sa status sa mga kaso.
Dako usab kaayo nga gikatabang ang pagbaton sa siudad sa usa ka makina nga mutabang alang sa COVID testing, ug kinign maong makina mao ang GeneEXPeRT machine.
Dinhi sa dakbayan sa Butuan, mamahimo nang functional ug magamit ang laboratoryo sa Butuan Medical Center BMC nga mugamit sa GeneXpert machine sa real time polymerase chain reaction kun RT-PCR machine karung katapusan sa Hunyo, kini ang gikabutyag ni DOH Caraga Regional Director Jose Llacuna Jr. atol sa Caraga Kontra COVID program.
Mahitungod ni ini laumang mupaspas na ang testing capacity sa dakbayan arun daling pagawas gilayon ang resulta sa tanang mupailalom sa swab test COVID 19.
Samtang padayon usab ang pagproseso sa pipila ka mga testing laboratory nga nahimutang sa Caraga Regional Hospital (CRH) sa Surigao City, Adela Serra Ty Memorial Medical Center sa Tandag City, Surigao del Sur ug D.O Plaza Memorial Hospital sa Prosperidad, Agusan del Sur arun patas-an ang kapasidad sa COVID testing sa rehiyon.
Kahibaloan nga wala pay testing facility ang Caraga diin tanang specimens ang ginapadala pa sa Southern Philippines Medical Center (SPMC) sa Davao City rason nga malangan pa ang pagpagawas sa mga resulta.
