Gina-target sang Corazon Locsin Montelibano Memorial Regional Hospital (CLMMRH) nga maga-operate na ang Molecular Laboratory Level III sini sa Hulyo 10, 2020.
Sa interview sang DYHB kay Dr. Julius Drilon, Medical Director II sang CLMMRH, yara na sila sa finishing stage sang laboratory kag nagahulat na lang sang lisensiya gikan sa Department of Health (DOH) para makapatigayon sang COVID-19 tests. Kun magbukas na ang laboratory, kapin sa isa ka gatos nga samples ang ila ma-test sa sulod sang isa ka adlaw sa walo ka oras nga operasyon.
Samtang magluwas sa Bacolod, nagaplano man ang CLMMRH nga batunon ang mga swab samples gikan sa Negros Oriental. Suno kay Dr. Drilon sa Cebu pa nagapadala sang swab samples ang Negros Oriental apang sa karun puno naman ang mga laboratory sa nasambit nga probinsiya bangud man sang mataas nga kaso sang coronavirus didto.
Concentrated lang sa karun ang Molecular Laboratory sang regional hospital sa COVID-19 test apang suno kay Dr. Drilon, ginaplano nila nga gamiton man ini sa ulihi nga laboratory para sa detection sang cancer, DNA testing, dengue, TB kag iban pa nga sahi sang pagtuon. Bangud man nga Level III ang laboratory, mas mataas ang proteskyon sini sa palibot kag mga operators.
[image: image.png]
