Ginkilala sang National Police Commission ukon NAPOLCOM ang Molo Police station bilang BEST Police Station sa siyudad sang Iloilo.
Ini may kaangtanan sa ginhiwat sang ahensya nga Annual Inspection and Management Audit humalin sang Setyembre 20 tubtub Oktubre 3 sini nga tuig.
Suno kay Allen Camiring, Napolcom investigator, nga magluwas sa Major Award nga Best Police Station, naghatag man ang ahensya sang Minor awards sa ICPO headquarters, Molo PNP, Police precinct 1, Arevalo PNP, kag traffic investigation and enforcement unit nga lunsay nakalista sang perfect attendance.
Ginhatagan man sang special award bilang pinakamaayo nga Chief of Police sanday Police Chief Inspector Marlon Valencia sang Molo PNP kag Police Sr. Inspector Rey Sumagaysay.
