Davao City – Mas gipakusgan sa kapulisan sa San Pedro ang monitoring sa ilang area of responsibility (AOR) aron mapakgang ang subling pagsiaw sa mangungu-ot sa dakbayan sa Davao.
Sa interbyu sa DXDC RMN Davao kang Police Major Marvin Hugos, Station Commander sa San Pedro Police Station, adunay mga police nga gi-deploy sa mga merkado, park ug uban pang mga lugar nga dagha’g tawo.
Subling nagpahimangno si Hugos sa mga Dabawenyo ilabi na sa biktima sa pagpanguot nga mo-report dayon sa presinto sa kapulisan aron maaksyonan dayon ug likayan ang pagpost sa social media.
“Padayon man ta naga deploy sa atong personnel para motabang sa pagmonitor aning mga tawhana. Moabot ra gihapon ang panahon nga ato silang madakpan ug matagaan og hinanaling aksyon kining mga tawhana,” saysay ni Hugos.
RadyoMaN Don Pulayao
Facebook Comments
