General Santos City—Nagpabiling taas ang moral sa kapulisan nga sakop sa General Santos City Police Office luyo paman nga nalagasan sila ug usa ka kaubanan niadtong milabay nga simana human gipusil sa mga suspect nga naka-motorsiklo ang usa ka Police nga si Po3 Joseph Piguerda nga nakabase sa City Mobile Force Company.
Sumala pa ni Police Sr. Supt. Raul Supiter ang City Director sa General Santos City Police Office nga inay nga mahadlok o masubo ang ilang han-ay sa kamatayon sa ilang kauban, gibuhat nila kini nga challenge aron nga mas mapadali ang pag resolba sa kaso sa pag pamusil sa syudad ug masikop ang mga responsible niini.
Dugang pa ni Supiter nga normal matud pa sa trabaho sa usa ka pulis nga kanunay nga anaa sa peligro ang kinabuhi.
Apan giklaro sa opisyal nga kanunay niining gipahimangnuan ang iyang mga sakop nga makanunayong mag amping tungod kay wala sila kabalo kung kinsa ang kalaban.
Ang pulis dali ra kaayo matud pang mailhan apan ang mga criminal lisod nga i-establisar ang ilang mga ilhanan. (Dave Silagan)
