Padayon nga taas ang morale sa kapolisan ilabi na ang pagserbisyo sa katawhan luyo sa mga isyu karon nga gikalambigitan sa kadagkoan sa Philippine National Police kon PNP.
Matud ni Police Lt. Col. Mardy Hortillosa ang Spokesperson sa PNP region ten nga tulobagon na kini sa mga kadagkuan apan dili angay nga madamay ang trabaho sa kapolisan.
Dugang pa ni Lt. Col. Hortillosa nga kung madamay ang kapolisan sa isyu sa usa ka tawo, looy na ang katawhan.
Sa karon giklaro ni Hortillosa nga gasunod gihapon ang kapolisan sa mandato sa liderato sa PNP nga mao ang pagpadayun sa serbisyo alang sa katawhan.
Samtang dili malikayan nga adunay mga badlungon nga mga police.
Matud ni Police Lt. Col. Hortillosa nga wala nila kini gibaliwala hinungdan nga padayon karon ang ilang gihimo nga monitoring ug internal cleansing sa hanay sa kapolisan.
Dugang pa ni Hortillosa nga gitudloan sila sa mga binuhatan nga nakalatid sa PNP Code of conduct in ethical standard.
Buot ipasabot wala kini gitudlo sa kapolisan aron nga maghimo og mga dautan nga mga butang apan dili nila kontrolado ang matag hunahuna sa tawo.
