Davao City – Nanawagan karon ang hepe sa kapulisan sa Region XI ngadto sa mga argrabyadong katawhan nga dili ibutang ang hustisya diha sa ilang kaugalingong mga kamot inay modangop ngadto sa atong mga awtoridad kansang mandato mao ang pagpatunhay sa kahusay ug kalinaw.
Sa usa ka media interview, gisugilon ni Police Regional Director Police Brigadier General Marcelo Morales nga gi-atiman na karon sa kapulisan ang sunod-sunod nga mga insidenteng pagpamusil-patay sa Tagum City diin ang labing ulahing biktima, usa ka batan-ong anak sa usaka paryenteng involved sa na-unsyame nga investment schemes.
Dugang ni Morales, ila gayung aksyonan ang mga complaints gikan sa katawhan ilabi na ang pagseguro nga mahatagan og hustisya ang mga gipangpatay sa nasangpit nga lokalidad.
Kagahapon, ang syudad sa Tagum ubos kang Mayor Alan Rellon hugot nikondena sa mangtas nga binuhatan uban ang paghagit sa mga tinugyanan sa balaud nga resolbahon kini nga dugoon nga mga hitabo sa labing madaling panahon uban ang pasalig nga adunay itanyag nga reward kun incentive ang LGU alang niadtong makatunol og inpormasyon alang sa pag-aresto sa mamumuno kon mga mamumuno ning kutay sa mga krimen karon didtong dapita.
RadyoMaN June Duterte
