Epektibo alas 12:01 karon sa aga (Pebrero 29) , ang MORE Power Corporation na ang magasukot sa mga konsumidor sang kuryente sa siyudad sang Iloilo.
Ini ang ginpahayag ni Atty. Hector Teodosio, ang legal counsel sang MORE Power Corporation matapos madinalag-on nga gin-take-over sang kumpaniya ang mga pasilidad sang panay electric company kaima sang aga.
Suno kay Teodosio nga apesar nagpamalibad ang pamunuan sang PECO nga batunon ang ginserbe nga writ opf possession nga ginpapanaug sang korte, apang indi ini rason agud indi madayon ang pag-take over sang more sa operation sang PECO.
Ginhatagan pagtamod ni Atty. Teodosio nga nakumpleto na ang delivery sang writ of possession nga nagakahulugan nga ang MORE Power Corporation na ang maga-take over sang power distribution sa siyudad kag sugod buwas nga adlaw, sila na ang magaproseso sang electric bill sang mga konsumidor.
