Moresco II, gipatawag sa Sangguniang Panlalawigan human mireklamo ang mga konsumante sa kalit nga pagtaas sa ilang bayrunon

Gipaabot ni Board Member Wayne Militante sa hawanan sa Sangguniang Panlalawigan ang reklamo sa mga konsumante sa Misamis Oriental Electric Service Cooperative II kabahin sa pagtaas sa ilang bayrunon sa kuryente sa bulan sa Abril ug Mayo 2020.

Pinaagi sa SP committee on energy, transportation and communication nga gipangulohan ni Board Member Dexter Yasay, gikatakdang magkatagbo ang mga miyembro sa komiteba ug representante sa MORESCO II ugmang adlawa Hunyo 4 aron mahatagan sa katin-awan ang mga konsumante sa kalit nga pagtaas sa ilang bill.