MOST WANTED PERSON SA BANWA SANG MAASIN, PATAY MATAPOS NAGBATU SA MGA PULIS SANG GINSERBEHAN SANG WARRANT OF ARREST.

Patay ang Most Wanted Person sa banwa sang Maasin matapos nagbatu sa mga pulis nga maga-serbe sang Warrant of arrest.
Natabu ang insidente sa barangay Trangka, Maasin kaina sang hapon matapos nag-operate ang Maasin PNP kag Regional Intelligence Unit 6 agud arestuhon ang wanted person nga si Yolly Armada.
Ginpahayag ni Police Lt. Nelson Caro, hepe sang Maasin PNP nga nakabaton sila sang report nga yara sa barangay Trangka, Maasin si Armada nga may warrant of arrest sa kaso nga murder.
Bangud sini, bitbit ang warrant of arrest nagpadulong sa nasambit nga barangay ang mga otoridad agud dakpon ang suspek apang sang makita sini ang mga pulis, gilayon ini nga naggabot sang iya armas nga 357 kag ginpalukpan ang mga otoridad.
Nagluntad ang pagtiniruhay kag natigayon nga ma-corner sang mga pulis si Armada kag naigo ini nga gintunaan sang iya kamatayon.
Ang kaso sang suspek nga murder ang nakomiter sini sang 2005 sa barangay Quipot, Janiuay kon sa diin isa ka CAFGU ang iya napatay.

Facebook Comments